Молитва первая об исцелении болящего Владыко, Вседержителю, святый Царю, наказуяй и не справляй, утверждаяй низпадающия и возводяй низвержен-ныя, телесныя человеков скорби справляй, молимся Тебе, Боже наш, раба Твоего (имярек) немощствующа посети милостию Твоею, прости ему всякое согрешение вольное и невольное. Ей, Господи, врачебную Твою силу с небесе низпосли, прикоснися телеси, угаси огневицу, укроти страсть и всякую немощь таяющуюся, буди Врач раба Твоего (имярек), воздвигни его от одра болезненнаго и от ложа озлобления цела и всесовершенна, даруй его Церкви Твоей благоугождающа и творяща волю Твою. Твое бо есть, еже миловати и спасати ны, Боже наш, и Тебе славу возсы-лаем, Отцу и Сыну и Святому Духу, ныне и присно и во веки веков. Аминь. Молитва вторая об исцелении болящего О Премилосердый Боже, Отче, Сыне и Святый Душе, в Нераздельней Троице покланяемый и славимый, призри благоутробно на раба твоего (имя), болезнию одержимаго; отпусти ему вся согрешения его; подай ему изцеление от болезни; возврати ему здравие и силы телесныя; подай ему долгоденственное и благоденственное житие, мирные Твоя и премирные блага, чтобы он вместе с нами приносил благодарные мольбы Тебе, Всещедрому Богу и Создателю моему. Молитва благодарственная, святого Иоанна Кронштадтского, читаемая после исцеления от болезни Слава Тебе, Господи, Иисусе Христе, Сыне Единородный Безначальнаго Отца, едине изцеляяй всяк недуг и всяку язю в людех, яко помиловал мя еси грешнаго и избавил еси мя от болезни моей, не попустив ей развиться и умертвить меня по грехам моим. Даруй мне отныне, Владыко, силу твердо творить волю Твою во спасение души моея окаянныя и во славу Твою со Безначальным Твоим Отцем и Единосущным Твоим Духом, ныне и присно и во веки веков. Аминь. | |
Категория: Молитва на помощь и защиту | Добавил: Славомира (25.04.2015) | |
Просмотров: 3571 | |